2009 年 5 月 26 日 星期二 【驟雨】

泰國之旅第二日


↑芭堤雅海灘


↑珊瑚島海灘

講下第二日行程先︰
坐船前往珊瑚島(叫 Koh Larn / Coral Island) →
玩降落傘 → 珊瑚島游水 →
玩 Vimantaitalay 觀光潛艇(submarine) → 珊瑚島午餐 →
酒店 → 坐 Tuk Tuk 去「香港炳嫂」 → 晚餐 →
Alcazar 人妖 show → 酒店 →
再坐 Tuk Tuk 去「香港炳嫂」→ 行街買手信 →
坐 Tuk Tuk 返酒店

其實去珊瑚島可以好多野玩，
例如浮潛、水上電單車、香蕉船、降落傘、潛艇……
基於安全 / 避免畀人屈，所以只係揀左玩降落傘同埋潛艇。
第一次玩，真係唔錯！






↑我地就係坐呢架潛艇 (圖片取自︰yotravel.net)


↑海底世界，好多野睇！




↑我同 Ken 響珊瑚島享用o既午餐

我地本來睇激光 show，但係時間已過，
唯有去睇人妖 show！
比想像之中唔錯喎！舞藝、衣著、場景係好有水準！
Ｄ人妖演出唔同國家o既舞！認真精彩！
正價 600B ($137) 都底睇啦！
當然我地唔駛正價o既價錢啦！^^


↑大家睇下Ｄ服飾、場景、效果，真係唔錯！
而家唱緊鄧麗君o既歌！


↑完左後，Ｄ人妖同觀眾影相！睇下呢個人妖，真係幾靚o架！

我地去左搵炳嫂兩次，佢幫左阿 Ken 好大忙！
其實係神 plan 得好巧合！呢樣遲Ｄ再 share！

夜晚行下街買下手信！

↑街頭酒吧！


↑街頭小食


↑泰式按摩

2009 年 5 月 25 日 星期一 【驟雨】

泰國之旅出發了

泰國之旅終於起程！
今次係第一次衝出中國！Yeah.....



講下第一日行程先︰
的士 → 觀塘創紀之城坐 N29 去機場 →
乘泰國國際航空 TG603往曼谷機場 → 大巴往芭堤雅 →
Bell Travel Service 往 IBIS Pattaya Hotel→
Tuk Tuk 往 Royal Garden Plaza → Tuk Tuk 往象園騎象騎馬 →
香港炳嫂 → 泰式古法按摩 → 逛街食街邊小食 → Mike Mall



我們租住左呢間酒店！
呢間酒店幾新幾靚！
位於 Pattaya 2nd Road，
近 Big C 超市、Alcazar / Tiffany 人妖 show！


↑芭堤雅係無的士，出入主要靠呢Ｄ叫 Tuk Tuk o既排車！
如果係遊客，人地實會獅子開大口！
我地學當地人咁，自己上車，落車按鐘，
只要 10B ($2.3)一個人！


我地行左呢間商場，有好多賣名牌o既舖頭，
比香港平少少！不過我都嫌貴！
另外仲有信不信由你奇趣館、4D電影院、鬼屋，
都唔係平，所以冇玩到！



騎象騎馬都唔錯呀！值得推介呀！
每張相 100B (約港幣23元)

之後聽同事 Janet 咁講，
去左「香港炳嫂」買Ｄ手信同埋向炳嫂問下意見！
原來炳嫂唔響到，只有炳叔！
佢為人好友善親切，講好多響芭堤雅要注意o既野！
我覺得自由行o既人一定要去啦！
手信底Ｄ唔在講，佢仲可以介紹你一Ｄ好去處！
同埋響果度兌換錢會高Ｄ！

Janet 介紹無錯！同埋幫左好多，仲出乎意料之外！
我會之後再詳談！

跟住炳叔介紹左我地去按摩，
炳叔幫手用泰文去叫果服務員細力Ｄ！
其實手勢OK！但我唔係咁慣！

第一日有一樣唔開心就係畀人屈買野！
本來話唔要都要迫人要，有兩人男人圍住我地，
好似想打交咁，谷住 30B 都要畀！

我地去 Mike Mall，竟然都見到人妖賣野！
佢一開聲就係男人聲！
本來想同佢影番張相，不過無咁做！

2009 年 5 月 20 日 星期三 【晴】

 正日生日的祝賀

5月20日係小弟生日！

想感激好多人對我好好！
例如 MSN、SMS、facebook 同我祝賀o既人！
特別多謝 Andy (阿華) 14 號提早話買左禮物畀我！
阿 Ming 請我食 pizza！
CC 同事同我飲茶，買左個蛋糕畀我。
查經班 + PAIR up 同我慶祝，
每一張鼓勵咭 + 夾份買左件衫畀我！

另外每年o既支票、生日咭+餅咭……
總之每個對我祝賀o既人，
我已經仔細 record 左，叫自己記得你地對我份心、果份友誼！

好愛你地！

2009 年 3 月 20 日 星期五 【晴】

公屋走廊多用途

今日有房署全方位維修的人員來修理電掣，
與他們談天講起以前走廊大堂很多小朋友出來玩，
隨著各人長大及搬走，已經今非昔比。

當年，公屋的大堂走廊正是小朋友遊樂場及成年人的休閒之地。
其實公屋大堂可以玩很多東西，例如︰
踩單車、推車仔、推輪椅、玩蠟燭、打康樂棋、
猜樓梯、玩兵捉賊、踢波(用粉筆在地上劃界)、
跳橡筋繩、做功課……

至於成年人，會用大堂來打麻將、琼衫、玩呼拉圈，
甚至有人在大堂燒烤！

所以大堂是相當熱鬧，人家乘電梯時，門未開已經聽到小朋友的聲音！
除此之外，亦有人上樓「嗌賣」，
例如賣砵仔糕、香腸雞亦、咸肉稯、磨刀磨較剪、剪髮……
一到食飯時間，父母就會在家中對住走廊大叫︰「ＸＸ，返黎o勒！」

會考時，我都有在後梯溫書，特別涼爽呢！

現在的公屋，此情景不再復見！

2009 年 3 月 16 日 星期一 【晴】

一個負責任o既男士唔容易當！

屋企地板引申o既一連串問題？
唔係我理又有邊個理呢？
往往做大果個就係揹起晒呢Ｄ責任！

我本身 workload 都唔細！
工作又係忙到不得了！
唔夠數？要跑數？
日日都有唔少問題帶畀社工處理！
經濟問題、關係問題、情緒問題、失業問題、住屋問題……
case workload 大得很！
我有Ｄ怨我老細，究竟知唔知我地前線同事有幾忙、有幾咁辛苦？
四人做六人o既o野，你話顛唔顛？
政府仲話整筆撥款可以繼續！
我真係好想當面捉住余志穩o黎鬧！

中心檯頭貼滿電話紙！
個 tray 滿晒要 follow o既o野，好似永冇清得完！
有人不滿我成日唔得閒覆電話，
唔係 urgent 都要話 urgent！
我心諗，而家得你一個電話要覆咩？

我好渴望有每星期o既假期，
但等到o既時候，又已經編得密一密，
等於冇假放咁！

望到一樣二樣未做o既o野，不禁要長嘆一聲「唉…」！

睇黎咁樣，要畀自己放下假！
畀自己 relax 下，我好想去下旅行！